गोपनीयता धोरण

1. आढावा

Uniconduct LLC (‘आम्ही’, ‘आमचे’ किंवा ‘आम्हाला’) ही Apple च्या प्लॅटफॉर्मसाठी ॲप्लिकेशन बनवणारी एक स्वतंत्र सॉफ्टवेअर कंपनी आहे. हे गोपनीयता धोरण संपूर्ण कंपनीला लागू होते : आमची ॲप्स, हे संकेतस्थळ आणि तुम्ही आम्हाला पाठवलेला कोणताही पत्रव्यवहार ह्यांच्या संदर्भात आम्ही माहिती कशी हाताळतो.

आम्ही एका साध्या तत्त्वावर काम करतो : तुमचा डेटा तुमचाच आहे. तुमच्याविषयीची किंवा आम्ही बनवलेल्या गोष्टी तुम्ही कशा वापरता ह्याविषयीची माहिती आम्ही गोळा करत नाही, तिच्यावर प्रक्रिया करत नाही आणि आम्हाला तिचा ॲक्सेसही नाही.

2. आमची ॲप्स

आमचे कोणतेही ॲप वैयक्तिक माहिती गोळा करत नाही, स्टोअर करत नाही किंवा पाठवत नाही. नेमके सांगायचे तर, त्यांमध्ये असे आहे :

कोणतेही अकाउंट नाही. ना साइन अप, ना साइन इन, ना यूझर प्रोफाइल.

कोणताही वैयक्तिक डेटा नाही. आम्ही तुमचे नाव, ईमेल ॲड्रेस, फोन नंबर, स्थान किंवा इतर कोणताही वैयक्तिक आयडेंटिफायर गोळा करत नाही.

कोणताही वापर डेटा नाही. तुम्ही कोणती फीचर वापरता, एखादे ॲप किती वेळा उघडता किंवा त्यात किती वेळ घालवता, ह्याची आम्ही नोंद ठेवत नाही.

कोणतीही टेलिमेट्री किंवा ॲनालिटिक्स नाही. ना ॲनालिटिक्स SDK, ना क्रॅश रिपोर्टिंग सेवा, ना जाहिरात लायब्ररी.

कोणतेही डिव्हाइस आयडेंटिफायर नाहीत. आम्ही डिव्हाइस ID, जाहिरात आयडेंटिफायर (IDFA) किंवा हार्डवेअर आयडेंटिफायर गोळा करत नाही.

प्रत्येक ॲपचे स्वतःचे धोरणही आहे, ज्यात ते तुमच्या डिव्हाइसवर नेमके काय स्टोअर करते आणि काही पाठवत असल्यास कुठे काय पाठवते, हे सांगितलेले आहे. Intuition Check साठी हे पहा : Intuition Check चे गोपनीयता धोरण.

3. तुमच्या डिव्हाइसवर स्टोअर केलेला डेटा आणि बॅकअप

आमचे एखादे ॲप जे काही जतन करते — सेटिंग, तुम्ही तयार केलेला कॉण्टेण्ट, निकाल — ते तुमच्या डिव्हाइसवर त्या ॲपच्या स्वतःच्या स्टोरेजमध्ये लिहिले जाते. ते प्राप्त करणारे, स्टोअर करणारे किंवा त्यावर प्रक्रिया करणारे कोणतेही सर्व्हर आम्ही चालवत नाही, आणि ते वाचण्याचा आमच्याकडे कोणताही मार्ग नाही.

ह्याचा एक परिणाम स्पष्टपणे सांगण्यासारखा आहे : त्या ॲपच्या कंटेनरमधील सामान्य फाइल असल्यामुळे, इतर कोणत्याही ॲपच्या डेटाप्रमाणे त्या तुमच्या डिव्हाइसच्या बॅकअपमध्ये समाविष्ट होतात. तुम्ही तुमच्या डिव्हाइसचा बॅकअप घेतल्यास — उदाहरणार्थ, iPhone किंवा iPad चा iCloud वर किंवा संगणकावर — त्यांची एक कॉपी त्या बॅकअपमध्ये जाते. तो बॅकअप तुमचा आहे, तो तुमच्या डिव्हाइसची ऑपरेटिंग सिस्टीम तुमच्या विनंतीनुसार तयार करते, आणि त्याला Apple चे गोपनीयता धोरण लागू होते — त्या बॅकअपचा आम्हाला कोणताही ॲक्सेस नाही.

आमची ॲप्स iCloud सिंक वापरत नाहीत. तुम्ही ती वापरत असताना तुमच्या डिव्हाइसदरम्यान काहीही शेअर केले जात नाही, आणि म्हणूनच एका डिव्हाइसवर एखाद्या ॲपमध्ये तुम्ही तयार केलेला कॉण्टेण्ट दुसऱ्या डिव्हाइसवर दिसत नाही.

ऑपरेटिंग सिस्टीमच्या वर्तनानुसार, एखादे ॲप हटवल्यावर त्याचा डेटा तुमच्या डिव्हाइसवरून काढून टाकला जातो. आम्ही तो तुमच्यासाठी परत मिळवू शकत नाही, कारण तो आमच्याकडे कधीच नव्हता.

4. हे संकेतस्थळ

uniconduct.com हे एक स्टॅटिक संकेतस्थळ आहे. त्यावर ना ॲनालिटिक्स आहे, ना ट्रॅकिंग पिक्सेल, ना जाहिराती, ना सोशल मीडिया एम्बेड. ते स्वतःची कोणतीही कुकी सेट करत नाही. तुम्ही येथे जे काही करता, त्याची आम्ही नोंद करत नाही किंवा त्यावरून तुमची प्रोफाइल तयार करत नाही.

थर्ड पार्टीचा कोणताही कॉण्टेण्ट नाही. फॉण्ट, इमेज आणि स्टाइलशीट ह्याच डोमेनवरून सर्व्ह केले जातात. हे संकेतस्थळ फॉण्ट सेवा, लायब्ररींसाठीचे CDN किंवा इतर कोणत्याही बाहेरील पक्षाकडून रिसोर्स लोड करत नाही, त्यामुळे ते पाहिल्याने एम्बेड केलेल्या कॉण्टेण्टद्वारे तुमचा IP ॲड्रेस कोणत्याही थर्ड पार्टीला कळत नाही.

होस्टिंग आणि डिलिव्हरी. कोणत्याही संकेतस्थळाप्रमाणे आमचे संकेतस्थळही कोणालातरी सर्व्ह करावे लागते. पेज स्वतः Netlify वर होस्ट केली जातात. Cloudflare ह्या डोमेनचे नेम सर्व्हर चालवते आणि त्या होस्टच्या पुढे असते : प्रत्येक विनंती Cloudflare च्या स्वतःच्या ॲड्रेसमधून संकेतस्थळापर्यंत पोहोचते, ज्यामुळे हल्ल्याच्या ट्रॅफिकपासून त्याचे संरक्षण होते, आणि स्टाइलशीटसारख्या न बदलणाऱ्या फाइलच्या कॉपी Cloudflare तुमच्या जवळ ठेवते. Netlify आणि Cloudflare दोन्ही आमचे डेटा प्रोसेसर म्हणून काम करतात. विनंती सर्व्ह करण्याचा भाग म्हणून दोन्ही मानक तांत्रिक माहिती हाताळतात — तुमचा IP ॲड्रेस, विनंती केलेले पेज, तुमच्या ब्राउझरचा यूझर एजंट — आणि विश्वासार्हतेसाठी आणि गैरवापर रोखण्यासाठी ती अल्प मुदतीच्या सर्व्हर आणि सुरक्षा लॉगमध्ये ठेवतात. आम्ही तो डेटा ॲनालिटिक्ससाठी वापरत नाही, आणि तो इतर कशाशीही जोडत नाही. Cloudflare चे बॉट संरक्षण सुरू झाल्यास, माणसे आणि ऑटोमॅटिक ट्रॅफिक ह्यांच्यात फरक करण्यासाठीच Cloudflare एक कुकी सेट करू शकते; येथे तुम्हाला मिळू शकणारी ती एकमेव कुकी आहे, आणि आम्ही ती ना वाचतो, ना कशासाठी वापरतो.

बाहेरील लिंक. काही पेजवर App Store, Apple ची कायदेशीर पेज आणि खेळण्याच्या पत्त्यांच्या इमेजचा स्रोत ह्यांच्या लिंक आहेत. अशी लिंक उघडल्यावर त्या संकेतस्थळाचे स्वतःचे गोपनीयता धोरण लागू होते.

5. तुम्ही आम्हाला पाठवता ते ईमेल

तुम्ही आम्हाला लिहिल्यास — सपोर्टसाठी, अभिप्रायासाठी किंवा इतर कशासाठीही — आम्हाला तुमचा संदेश आणि तुमचा ईमेल ॲड्रेस मिळतो, कारण ईमेल असेच काम करते. आम्ही ही माहिती फक्त उत्तर देण्यासाठी वापरतो, तुम्हाला कोणत्याही मेलिंग यादीत समाविष्ट करत नाही आणि ती कोणासोबतही शेअर करत नाही. तुम्ही ज्याविषयी लिहिले आहे ते सोडवण्यासाठी जितका वेळ लागतो, तितकाच वेळ आम्ही तो पत्रव्यवहार ठेवतो.

कृपया तुमच्या प्रश्नासाठी आवश्यक आहे त्यापेक्षा जास्त वैयक्तिक माहिती आम्हाला पाठवू नका. आमची ॲप्स काहीही गोळा करत नाहीत, त्यामुळे आम्हाला अकाउंटच्या तपशिलांची कधीच गरज पडत नाही, आणि आम्ही कधीही पासवर्ड किंवा पेमेंटची माहिती मागणार नाही.

6. खरेदी

जिथे एखादे ॲप खरेदी किंवा सदस्यता देते, तिथे संपूर्ण व्यवहार App Store द्वारे Apple हाताळते. तुमचे पेमेंटचे तपशील, कार्ड नंबर, बिलिंग पत्ता किंवा Apple अकाउंटचे क्रेडेन्शिअल आम्हाला कधीच दिसत नाहीत — ते Apple कडे जातात आणि आमच्यापर्यंत कधीच पोहोचत नाहीत.

काय अनलॉक करायचे हे जाणून घेण्यासाठी, एखादे ॲप तुमच्या डिव्हाइसवरील App Store ला विचारते की एखादी खरेदी किंवा सदस्यता ह्या क्षणी वैध आहे का. ही तपासणी ॲप आणि Apple च्या सेवा ह्यांच्यात स्थानिक पातळीवर होते; उत्तर आम्हाला पाठवले जात नाही आणि तुमच्या डिव्हाइसशिवाय इतर कुठेही स्टोअर केले जात नाही. जिथे एखादी खरेदी कौटुंबिक शेअरिंगद्वारे शेअर केलेली असते, तिथे तो हक्क कुटुंबातील सदस्याकडून आला आहे हे ॲपला दिसू शकते, कारण ही माहिती Apple देत असलेल्या उत्तराचाच भाग असते — पण ती व्यक्ती कोण आहे ह्याविषयी ॲपला काहीही कळत नाही.

Apple आम्हाला विक्री आणि पेआउट रिपोर्ट पुरवते. ते एकत्रित स्वरूपात असतात आणि त्यांमध्ये कोणत्याही एका ग्राहकाची ओळख पटवणारी कोणतीही माहिती नसते. Apple स्वतः तुमची खरेदी कशी हाताळते, ह्याला हे धोरण लागू होते : Apple चे गोपनीयता धोरण.

रिफंड Apple देते, आम्ही नाही. तुमच्या पेमेंट पद्धतीचा आम्हाला कोणताही ॲक्सेस नाही आणि आम्ही स्वतः रिफंड प्रोसेस करू शकत नाही.

7. थर्ड पार्टी

आम्ही थर्ड पार्टीच्या कोणत्याही ॲनालिटिक्स, जाहिरात किंवा ट्रॅकिंग सेवा समाविष्ट करत नाही — ना आमच्या ॲप्समध्ये, ना ह्या संकेतस्थळावर. आम्ही कोणत्याही थर्ड पार्टीसोबत कोणतीही माहिती शेअर करत नाही, कारण शेअर करण्यासाठी आम्ही काही गोळाच करत नाही.

ह्याला अपवाद आहेत वर उल्लेख केलेल्या पायाभूत सुविधा — आमच्या संकेतस्थळाचा होस्ट आणि CDN — आणि Apple, जी App Store आणि आमची ॲप्स ज्यांवर चालतात ते प्लॅटफॉर्म चालवते. त्या भूमिकेचा भाग म्हणून Apple माहिती गोळा करू शकते; त्यावर आमच्या धोरणापासून स्वतंत्रपणे Apple चे गोपनीयता धोरण लागू होते.

8. मुलांची गोपनीयता

आम्ही कोणाकडूनही कोणतीही वैयक्तिक माहिती गोळा करत नसल्यामुळे, आमची ॲप्स आणि हे संकेतस्थळ सर्व वयोगटांतील लोकांसाठी सुरक्षित आहेत. आम्ही जाणूनबुजून मुलांकडून किंवा इतर कोणत्याही गटाकडून डेटा गोळा करत नाही.

9. तुमचे अधिकार

डेटा संरक्षण कायदा तुम्हाला तुमच्याविषयी ठेवलेला वैयक्तिक डेटा ॲक्सेस करण्याचा, दुरुस्त करण्याचा आणि मिटवण्याचा अधिकार देतो. जवळजवळ प्रत्येक बाबतीत येथे ते अधिकार वापरण्यासारखे काहीच नसते, कारण आमच्याकडे तुमच्याविषयी कोणताही डेटा नसतोच. आमची ॲप्स कधीही ईमेल ॲड्रेस मागत नाहीत — ना साइन अप, ना अकाउंट, ना नोंदणी करण्यासारखे काही — आणि ह्या संकेतस्थळावर ना कोणतेही फॉर्म आहेत, ना न्यूजलेटर.

एकमेव अपवाद म्हणजे, सपोर्टसाठी किंवा इतर कशासाठीही तुम्ही स्वतः आम्हाला लिहायचे ठरवल्यास. तेव्हाच आमच्याकडे काहीतरी असते : तो संदेश, आणि तुम्ही तो ज्या ॲड्रेसवरून पाठवला तो ॲड्रेस — तुम्हाला उत्तर देण्यासाठी लागेल तितक्या काळापुरता. तुम्ही केव्हाही आम्हाला तो हटवायला सांगू शकता — [email protected] वर लिहा, किंवा तुम्ही सुरुवातीला [email protected] वर लिहिले असेल तर तिथे लिहा. दोन्ही ॲड्रेस आमच्यापर्यंत पोहोचतात.

10. ह्या धोरणातील बदल

आमच्या कार्यपद्धतीत बदल झाल्यास, आम्ही हे पेज नवीन प्रभावी दिनांकासह अपडेट करू. भविष्यातील एखादे ॲप डेटा गोळा करत असल्यास, ते त्याच्या स्वतःच्या धोरणात तसे स्पष्टपणे सांगेल.

11. आमच्याशी संपर्क साधा

ह्या धोरणाविषयी प्रश्न आहेत का? आम्हाला [email protected] वर लिहा. Uniconduct LLC ची नोंदणी अर्मेनियामध्ये झालेली आहे.